Gardiani me shumë përvojë në futbollin kosovar, Florjan Smakiqi është përforcimi i ri i Prishtinës së Re.

Skuadra e inkuadruar në Superligë këtë edicion po përgatitet fuqishëm për edicionin e ri, dhe për ta siguruar portën ka transferuar Smakiqin, shkruan Arbresh.info.

Lajmin e ka bërë të ditur vetë klubi kryeqytetas përmes një postimi në rrjetin social Facebook.

26-vjeçari deri më tani karrierë ka bërë te Feronikeli i Drenasit dhe te Drita e Gjilanit. Me këto të dyja klube ka fituar kampionatin.

Prishtina e Re është mjaft aktive në këtë merkato ku ka rinovuar me shumë prej lojtarëve kryesorë që i pati edhe sezonin e kaluar, kurse ka njoftuar afrimin e Ergyn Ahmeti, që së fundi ishte te Llapi, si dhe transferoi Drilon Fazliun e Aron Babajn./Arbresh.info